අද 2023 ජූලි මාසෙ 24 වෙනිදා මගේ උපන්දිනය. හරියටම කිව්වොත් හතලිස් එක් වෙනි උපන්දින. මම සුලාගේ විත්ති කියන පිටුව මුහුනු පොතේ පටන්ගන්නේ ජූලි මාසෙ පහළොස් වැනිදා. සතියකට කලින්.

පළවෙනිම ලිපියට ලැබුනු ප්‍රතිචාරයක් තමයි බ්ලොග් අඩවියක් පටන් ගන්න කියන එක. යෝජනාව කළේ මංජුල පෙරේරා මහත්මයා. "තට්ටයගෙ කොලම" බ්ලොග් අඩවිය එතුමාගෙ.

ඉතින් මගේ කාර්යබහුලත්වය නිසා බ්ලොග් අඩවිය පටන් ගන්න එක දවසින් දවස කල් ගිහින් දැන් සතියක්ම ගෙවුනා.මට හිතුනා අද දවස ඇතුළත මේක කොහොම හරි කරනවා කියලා මතක සටහනක් විදියට. මගේ උපන්දිනේට මම මටම දෙන තෑග්ගක් මෙය.

බ්ලොග් අඩවියේ ලියන්න හිතන් ඉන්නේ මගේ ජීවිත අත්දැකීම්. මේ වෙනකොට ලිපි තුනක් ලියලා තියෙනවා. මුහුනුපොතේ ලියූ මුල්ම ලිපි තුන තමයි ඊලගට මෙහි තියෙන්නෙ.

මම මෙහෙම මගේ ජීවිත අත්දැකීම් ලියලා තියන්න හිතුවේ ඉදිරි කාලයකදී මටම ආපසු හැරී කියවා බලන්න වගේම මගේ එකම දුවට කවදහරි එයාගේ අම්මගේ අත්දැකීම් කියවන්න පුළුවන් වෙයි කියලා හිතලා.ඉතින් ඔබත් මගේ කතා කියවලා රසවිඳිනවා නම් ඔබටත් ඒ හා සමාන අත්දැකීම් තියෙනවා නම් මාත් එක්ක ඒ අත්දැකීම් බෙදා ගන්න කියලා ආදරෙන් ඉල්ලනවා.

ඉතින් අපි ඇවිදන් යමු සුලාගේ විත්ති එක්ක💓